Денеска во Собранието на Република Македонија ќе се одржат седници на комисиите за финансирање и буџет, за труд и социјална политика и за земјоделство, шумарство и водостопанство.
На дневен ред на Комисијата за финансирање и буџет се предлог-законот за изменување на Законот за даночна постапка, предлог-законот за дополнување на Законот за Фондот за осигурување на депозити, како и измените и дополнувањата на Законот за банките и на Законот за хартии од вредност, сите во второ читање.
Членовите на Комисијата за труд и социјална политика ќе расправаат по измените и дополнувањата на Законот за заштита на децата во второ читање.
На дневен ред на Комисијата за земјоделство, шумарство и водостопанство се измените и дополнувањата на Законот за земјоделство и рурален развој во второ читање.
