Министерот за здравство, Никола Тодоров, денеска на отворањето на бањата за физикална терапија во Градската општа болница „8 Септември“ рече дека во поплавените подрачја нема опасност од заразни болести и од епидемии.
– Имаме контрола над ситуацијата во подрачјата зафатени од поплавите во Скопско и нема појава на епидемија иако ги имаше сите услови, тоа го предупредија и експертите и затоа одевме со брза дезинфекција и дератизација – рече Тодоров.
Тој истакна дека досега се дезинфицирани околу 30 милиони метри квадратни и околу 4.500 куќи, а дека бројот на лица кои бараат помош постојано се намалува.
