На жиро-сметката на Фондот за солидарност на Црвен крст до денеска се уплатени 32.372.244 денари или 526.377 евра, а од донирањето 100 денари со повик на телефоните 075/070/077 143 400 собрани се 13.186.000 денари или 214.406 евра, или вкупно 740.783 евра, соопштија од Црвен крст.
Досега екипите на Црвен крст дистрибуирале:
- 30.049 пакети со храна (еден пакет е наменет за 4 лица);
- 21.000 дневни оброци;
- 9.700 топли оброци;
- 2.792 конзерви храна;
- 28.791 литри млеко;
- 15.422 литри јогурт;
- 6.204 пакети со хигиенски производи
- 1.098 бебешки пакети;
- 295 тони вода;
- 746 пакети пелени;
- 568 душеци;
- 4.400 ќебиња;
- 600 килограми облека;
- 734 пара чизми;
- 341 литар дезинтал;
- 98 градежни колички;
- 126 лопати;
- 1.036 маски.
Поради постоење на понатамошен интерес за донирање во парични средства, како и за реализација на веќе најавени и потврдени донации од правни субјекти, акцијата ќе се продолжи за седум дена и ќе трае до 29 август.
По завршување на акцијата средствата ќе бидат префрлени линеарно на сметките на граѓаните погодени од поплавите.
