Лидерот на ДПА, Мендух Тачи, денеска во Тетово се сретна со амбасадорите на 17-те земји на Европската унија, со кои разговараше за политичката ситуација во државата и за процесите за излез од актуелната криза, соопштија од ДПА.
„На средбата, се разговараше за деблокирањето на интеграциските процеси и за решавањето на спорот за името, кој ќе го отвори патот за интеграција и ќе обезбеди подобра перспектива за земјата и за целиот регион“, пишува во соопштението на партијата.
Како што информираат од ДПА, амбасадорите истакнале дека Европска унија со особено внимание го следи развојот на настаните во земјата.
Од партијата соопштуваат дека амбасадорите препорачале сите политички партии и фактори да придонесат за подобра благосостојба и иднина на граѓаните.
