На денешната судска седница за пожарот во модуларната болница во Тетово каде животот го загубија 14 лица, сведочеа седуммина од сведоците предложени од Обвинителството, кои биле внатре во болницата каде што се случи пожарот ноќта на трагедијата, меѓу нив двајца лекари, медицинска сестра и четворица членови на семејството, пишува Порталб.мк.
Според сведоците, трагедијата се случила за неколку минути и тие се обиделе да дадат сè од себе за да ги спасат пациентите и нивните семејства.
Обвинителство ги испраша сведоците во врска со тоа дали во просториите на модуларна болница имало противпожарни апарати. Докторите и медицинскиот персонал изјавија дека „имало ПП апарати, но во моментот на пожарот не можеле да ги најдат“, а лицата од семејствата што незаконски престојувале внатре во инфективната болница, изјавија дека „не виделе противпожарни апарати“.
Исто така, сведоците посочија дека во модуларната болница имало лица кои биле роднини на пациентка со посебни потреби.
Следното рочиште е закажано за 16 февруари.
