fbpx

Костадиновска-Стојчевска ќе ја тужи Арсовска за клевети околу пожарот во Универзалната сала

Министерката за култура Бисера Костадиновска-Стојчевска, ги отфрла, како што рече „измислените лаги и скандалозни тврдења на градоначалничката Данела Арсовска дека знаела за пожарот во Универзална сала, а не пријавила“

-

Министерката за култура Бисера Костадиновска-Стојчевска, ги отфрли, како што рече „измислените лаги и скандалозни тврдења на градоначалничката Данела Арсовска дека знаела за пожарот во Универзална сала, а не пријавила“. Таа најави тужба против Арсовска.

„Таа самата детално ќе објасни во тврдењата за мене. Изгледа добро ѝ оди со судски тужби. Ако сака да биде обвинител и истражител, нека повели. За клеветите ќе се видиме на суд. Не само што покажа негрижа за градот и немање слух, туку покажа и дека единствениот начин со неа е само преку суд“, рече Костадиновска-Стојчевска на денешната прес конференција.

Министерката за култура не сакаше да ги коментира причините за пожарот. Рече дека истрагата е во тек и дека истрагата ќе треба да покаже како се запали Универзалната сала.

„Универзална сала е осигурана и ќе им биде вратена на граѓаните. Таа не е личен имот на Данела Арсовска“, рече министерката.

Арсовска вчера на прес-конференција рече дека иако се сопственици на објектот, не биле информирани за отпочнување на градежните активности на концертната сала. По тврдењата на надлежните дека објектот е осигуран и штетата ќе биде покриена, градоначалничката бара одговор каде, кога и од кого е осигуран проектот и на која вредност.

Aрсовска рече и дека е нејасно зошто министерката за култура ако дознала за пожарот пред 9 часот, истиот не го пријавила и зошто ако работниците и инженерката на фирмата се обидувале да го гаснат пожарот и откако не го локализирале, не пријавиле и не побарале помош од Противпожарната бригада на Град Скопје, каде многу подоцна е пријавен пожарот од страна на случаен минувач.

„Веста за пожарот се ширеше толку брзо што за многу краток период беа преплавени социјалните медиуми од кадешто дознав јас и во истиот тој момент од ова работно место, од министерство за култура се упатив кон Универзалната сала“, одговори Костадиновска-Стојчевска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Превртени кошеви и искршени седишта – институциите си префрлаат вина за руинираната спортска сала на УКИМ

Уште во далечната 2006 година на студентите при Универзитетот Св. Кирил и Методиј (УКИМ) им беше ветена најмодерна спортска сала, која дури по 11 години - во 2017, се...