Петре Шилегов портпаролот на СДСМ да биде претседател на Анкетната комисија за прислушување, а Рената Дескоска потпретседателка на Собраниетo.
Ова се дел од предлозите кои наводно ги договорил лидерот Зоран Заев на средбата со пратениците во Берово. На средбата опозицијата потврди и дека се враќа во Собрание на 1 септември.
Исто така, неофицијално се дознава дека Горан Сугарески е предложен за координатор на пратеничката група на опозицијата, а Хари Локвенец за контрола на УБК и Агенцијата за разузнавање.
Горан Мисовски од НСДП е предлог за Комисијата за надзор на спроведување на следењето на комуникациите, Марјанчо Николовски за Комисијата за финансии, Панче Орцев за Комисијата за земјоделство и Јагода Шахпаска е решение за Комисијата за здравство.
Опозициските пратеници во соработка со фондацијата „Фридрих Еберт“ и со американскиот Национален институт за демократија, разговараа за начините и моделите како опозицијата би функционирала во Парламентот.