Шефот на полицијата во Келн, Волфганг Алберс, е сменет од должност по критиките за несоодветното реагирањето на безбедносните сили на насилните инциденти за време на новогодишната ноќ, јавува „Ројтерс“.
Германската јавност е во шок по откривањето дека на 31 декември дошло до повеќе сексуални напади, силувања и разбојништва врз жени во неколку поголеми германски градови, од страна на мажи од Северна Африка.
Полицијата тврди дека повеќе од десетина жени пријавиле дека биле сексуално нападнати и ограбени за време на новогодишната ноќ. Биле поднесени најмалку 90 кривични пријави, вклучително и една пријава за силување.