Македонското друштво „Илинден“ од Tирана, заедно со разгранокот за Голо Брдо, на децата што ги посетуваат бесплатните курсеви по македонски јазик во село Требиште, им подарија пакетчиња за новогодишните и за божиќните празници.
„Македонско друштво „Илинден“ и на овој начин ги стимулира најмладите да се залагаат за чувањето на македонскиот јазик, македонската култура, традиција и обичаи во областа Голо Брдо“, пишува електронскиот весник на македонски јазик „Илинден“.
Курсот го посетуваат деца на возраст од 7 до 14 години. Предавањата, двапати неделно, ги држи Спиро Марку, учител од село Врница во областа Голо Брдо во Албанија.
