Покрај тоа што им овозможува на студентите да учат, библиотеката „Макс ван дер Штул“ во Тетово служи и како еколошки пункт каде што тие можат да бидат одговорни граѓани. Во оваа библиотека се собираат пластични капачиња од шишиња кои потоа се рециклираат, а собраните средства, пак, се наменети за хуманитарни цели. Повеќе за ова ви носиме во вечерашната епизода на „Шорткат.“
Во вестите за млади информираме за најновото околу уписите во средно, како и за проблемите што родителите и наставниците ги имаат со електронскиот дневник во училиштата.
Од помалку убавите вести информираме и за штетните последици од повлекувањето на водата во Преспанското Езеро.
„Шорткат“ се емитува вечерва во 19:00 часот на сите наши канали на социјалните мрежи – Инстаграм, ТикТок, Јутјуб и Фејсбук.
