По 20 години конечно се реновирани и опремени двата оддела за гинекологија и неонатологија во Клиничката болница во Тетово, соопшти Министерството за здравство.
„Ова се значајни инвестиции со кои на пациентите им овозможуваме услови кои наликуваат на големите медицински центри низ Европа”, вели министерот за здравство Фатмир Меџити, кој вчера ја посети болницата.
Тој рече дека по 20 години Клиничката болница во Тетово ќе ги прима пациентите во реновирани простории, опремени со сите потребни санитетски и други придружни простории за соодветно сместување и болнички престој на пациентите.
Меџити истакнува дека главни цели на Министерството се грижата за пациентите, унапредување на условите во јавните здравствени установи, обнова на болничката инфраструктура, како и обезбедување најсовремена опрема.
