Утре во просториите на младинскиот центар „Матично“ од 11 до 14 часот ќе се одржи панел дискусија со наслов „Достоинствен живот или преживување?“ по повод 17 Октомври, Меѓународниот ден за искоренување на сиромаштијата.
На дискусијата ќе биде презентиран извештајот „Poverty watch“ за тековните трендови и политики за сиромаштија, како и студијата на Асоцијација за инклузивен развој и одржлив развој- СИГА со наслов „Влијанието на инфлацијата врз сиромаштијата во Република Северна Македонија“ изработена од Бранимир Јовановиќ, економски истражувач.
Свое обраќање ќе имаат и вицепремиерот за економски прашања Фатмир Битиќи, потоа потпретседателот на Советот на ССМ за приватен сектор, Иван Пешевски и претседателот на собранието на Организација на работодавачи на Македонија Ангел Димитров.
Панел дискусијата во организација на Македонската платформа против сиромаштијата (МППС), поддржан е од Европската платформа против сиромаштија (ЕАПН) и од Фондацијата Фридрих Еберт, канцеларијата во Скопје, а се реализира во соработка со СИГА.