Украинските бранители одбиле 53 напади ор руските борбени сили во близина на Бахмут, Авдиивка, Маринка и Шахтарск во текот на изминатиот ден, објави Укринформ. Жестоката битка за Бахмут сè уште трае.
Ова е наведено во извештајот на Генералштабот на вооружените сили на Украина од 06:00 часот, 22 април, објавен на Фејсбук.
„Во текот на изминатите 24 часа, воздухопловните сили на вооружените сили на Украина извршија пет напади врз областите на концентрација на окупаторите, додека ракетните и артилериските единици погодија две области на концентрација на жива сила, противвоздушен ракетен систем и уште два важни воени објекти на непријателот“, се вели во извештајот.
Понатаму се наведува дека главните напори на Русија се насочени кон офанзивните операции во правците Бахмут, Авдиевка, Маринка и Шахтарск – одбиени се 53 непријателски напади. Градот Бахмут и понатаму е во епицентарот на воените операции.