Германската полиција утринава врши рации во десет провинции против осомничени поддржувачи на терористичката организација Исламска држава.
Како што јавуваат германските медиуми, стотици полицајци извршиле претреси во повеќе од 200 станови и канцеларии, во сопственост на лидери и на поддржувачи на салафистичката групација „Вистинска религија“.
Од полицијата соопштуваат дека претресите почнале истовремено во земјата во 6.30 часот по локално време и биле извршени во западните делови на Германија и во Берлин.
