Руската полиција синоќа го уапси министерот за економија Алексеј Улјукаев, поради сомневање дека зел мито од два милиона долари за издавање позитивна оценка со која нафтената компанија „Роснефт“ добила 50 отсто од „Башнефт“.
Рускиот истражен комитет соопшти дека против Улјукаев ќе биде поднесено обвинение. Тој синоќа бил итно изведен пред истражен судија.
Нафтената компанија „Роснефт“, која е под контрола на Кремљ, минатиот месец купи 50 отсто од акциите на „Башнефт“.
Портпаролот на Кремљ изјави дека обвинението против министерот за економија е сериозно.
