Пентагон го извести Конгресот на САД дека планира да изврши префрлување на десеттина заробеници од воениот затвор Гвантанамо во најмалку две земји, соопшти денеска неименуван американски претставник.
Реализацијата на првиот трансфер се очекува во следните неколку дена, додека другите трансфери се планирани за следната недела, потврди американскиот претставник кој инсистирал да остане анонимен.
Тој соопштил дека од Гвантанамо ќе биде префрлен и Тарик Ба Одах, државјанин на Јемен, кој штрајкува со глад.
Во затворот на Куба во моментов се има 91 затвореник.
Без разлика на противењето на Конгресот, претседателот на САД, Барак Обама сака да го затвори објектот пред да ја напушти должноста во јануари.