fbpx

Пендаровски со реакција по повод посетата на косовскиот премиер Албин Курти

Претседателот реагира за начинот на реализација на идејата за преименувањето на улицата во скопската општина Чаир, за што вели дека е во спротивност со принципот на демократска дебата и почитување на историското наследство на сите заедници во државата

-

Претседателот Стево Пендаровски денеска реагираше по повод посетата на косовскиот премиер Албин Курти на Тетово и Скопје, каде беше пречекан од градоначалниците на Тетово и Чаир.

„Истакнувањето на провокативна националистичка иконографија што промовира великодржавни шовинистички идеи претставува разгорување на етничка омраза и нетрпеливост со што недвосмислено се напаѓаат основните принципи и вредности на Рамковниот договор како и концептот на Македонија како мултиетничка држава“, стои во реакцијата на Пендаровски.

Тој побара од организаторите на јавните собири во Тетово и во Чаир да бидат законски санкционирани за кршењето на законските одредби во однос на употребата на државното знаме и химна и знамињата и симболите на заедниците, со целосно игнорирање на симболите на државата.

„Во таа насока ги повикувам надлежните органи во најкус можен рок да ги завршат пропишаните постапки“, наведува Пендаровски.

Претседателот реагира и за начинот на реализација на идејата за преименувањето на улицата во скопската општина Чаир, за што вели дека е во спротивност со принципот на демократска дебата и почитување на историското наследство на сите заедници во државата.

„Во таа смисла, очекувам надлежните инспекциски служби да проверат дали при носењето на одлуката е почитуван принципот на двојно мнозинство, кој треба да ги вклучува и гласовите на заедниците кои не се во мнозинство во таа општина“, стои во реакцијата на Пендаровски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Денес и утре ќе има прашина од Сахара во воздухот на Балканот

Денес и утре може да се очекува повисоко количество на песок од пустината Сахара низ Балканот, вклучително и во Северна Македонија, известува европската Служба за следење на атмосферата -...