Кина денеска остро го осуди минувањето на американски воен брод покрај кинескиот вештачки остров во Јужното Кинеско Море, оценувајќи го тоа како провокација и закана за суверенитетот на земјата.
Американскиот брод денеска мина на околу 12 наутички милји од островот Јонгшу, потврди Пентагон.
Пекинг смета дека целото Јужно Кинеско Море е дел од кинеската територија, но делови од морето, за свои ги сметаат и Виетнам, Филипини, Тајван, Малезија и Брунеи.
Кина од 2013 година го забрза создавањето на вештачкиот остров, на кој гради згради, пристаништа и писти доволно големи за бомбардери и за борбени авиони.
САД не ја признаваат кинеската сувереност на тоа подрачје и се противат на градењето вештачки острови во тие стратешки води.
