Италијанската полиција уапси двајца Авганистанци на југот на земјата кои се осомничени дека планирале терористички напади во Италија, Франција и во Велика Британија.
Обвинителот Роберто Роси изјави дека нема докази дека нападите ќе бидат изведени, но оти постојат докази за планирани напади.
Осомничени се Хаким Насири и Гулистан Ахмаџаи. Првиот е обвинет за меѓународен тероризам, а другиот за помагање илегална миграција.
И двајцата во Италија престојувале поради хуманитарни цели.
Полицијата ги одзела нивните телефони, во кои се пронајдени снимки од оружје, како и видеозаписи и фотографии што сугерираат напади во Бари, Рим, Париз и во Лондон.
