Натпреварот меѓу Парма и Удинезе од 24. коло во италијанската Серија А, можно е и да не се одигра поради сериозната финансиска криза во која се наоѓа домаќинот.
Според медиумите од земјата, Парма не може да си дозволи да ја плати организацијата на средбата, вклучувајќи ги редарите и полицијата, без кои е невозможно натпреварот да се одигра.
Клубот, кој е на дното на табелата во лигата со само 10 бода, е во долгови од 95 милиони евра, но во овој случај се очекува во пресрет со финансиска помош барем околу организацијата на натпреварите да излезе Фудбалската федерација на Италија, за првенството да се одвива без проблеми.