fbpx

По бакнежот со Хермосо, Луис Рубиалес суспендиран од фудбалот на три години

Рубиалес предизвика скандал кога ја бакна во усни шпанската фудбалерка Џени Хермосо за време на церемонијата по финалето на Светското првенство за жени во август

-

Поранешниот претседател на шпанската фудбалска репрезентација Луис Рубиалес доби три години забрана од ФИФА за сите фудбалски активности, пишува Гардијан.

Рубиалес предизвика скандал кога ја бакна во усни шпанската фудбалерка Џени Хермосо за време на церемонијата по финалето на Светското првенство за жени во август, во кое Шпанија ја победи Англија.

Рубиалес првично се обиде да ја продолжи својата функција, но минатиот месец поднесе оставка и е казнет за прекршување на членот 13 од дисциплинскиот кодекс на ФИФА.

Во своето соопштение, ФИФА објави дека му ги забранува сите активности на Луис Рубиалес поврзани со фудбалот на национално и меѓународно ниво, во период од три години.

По случувањата за време на финалето на Светското првенство за жени, Рубиалес беше привремено суспендиран во почетен период од 90 дена.

Високиот суд во Шпанија го испитуваше случајот откако обвинителите ја наведоа загриженоста дека може да постојат основи да се обвини Рубиалес за сексуален напад, како и за принуда поради бакнежот со Хермосо.

Во изјава во август, фудбалерката Хермосо рече дека инцидентот направил да се чувствува „ранлива“ и „жртва на агресија“. Таа го опиша бакнежот како „импулсивен чин, сексистички, ненаместен и без каква било согласност од моја страна“.

Рубиалес тврди дека бакнежот бил консензуален и најави оти ќе ја брани својата „невиност“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Хеликоптер во кој патувал иранскиот претседател претрпи „тешко слетување“

Хеликоптер со иранскиот претседател Ебрахим Раиши претрпел „тешко слетување“, пишува Би-би-си. Министерот за внатрешни работи кажува дека спасувачите сé уште се обидуваат да стигнат до местото на несреќата поради тешките...