Папата Франциск во својата Велигденска порака денеска упати апел за прекин на војните во Газа и Украина. Тој повика на прекин на огнот во борбите меѓу Израел и Хамас во Газа, како и ослободување на сите заложници што ги држи Хамас.
„Мирот не се постигнува со оружје“, рече Папата во своето традиционално обраќање на Велигден во Ватикан.
Десетици илјади верници се собраа на плоштадот Свети Петар за да го слушнат папата Франциск како ја води велигденската неделна миса. Папата учествуваше во двочасовното бдение во Ватикан во саботата, но не се појави во поворката на Велики Петок.