Еден од осомничените за нападот во Париз, Салах Абдеслам, бил запрен од француската полиција, но по контролата го пуштиле да го продолжи патот кон Белгија.
Како што се наведува, полицијата неколку часа по нападот во Париз, на границата со Белгија, го запрела возилото во кое бил Салах Абдеслам, и тоа откако веќе бил идентификуван како личност што изнајмила „поло“, пронајдено на место на нападот на Париз.
Француската полиција потврди дека патролата го запрела бараниот терорист, го проверила идентитетот и го пуштиле да си оди, без да се посомневаат и да увидат дека е тој личноста што ја бараат.
Салах Абдеслам е еден од тројцата браќа што извршија напад во Париз.
