Евроамбасадорот Аиво Орав се приклучи кон заканите на еврокомесарот Јоханес Хан и на европратениците Ричард Ховит, Едвард Кукан и Иво Вајгл, во соопштението во кое се наведува дека ќе следуваат сериозни последици поради прекршување на Договорот од Пржино.
„Помилување!“, напиша кусо и загадочно Орав на „Твитер“.
Pardoning!
— EU Ambassador (@AmbassadorEU) April 21, 2016
Во реакцијата од Брисел се наведува дека поради немање напредок во спроведување на Договорот, ќе бидат принудени да преземат соодветни чекори.
„Длабоко жалиме за ретроградните чекори, кои уште повеќе ќе ја оддалечат земјата од нејзините аспирации за членство во Европската Унија. Во отсуство на каков било понатамошен прогрес, принудени сме да ги разгледаме понатамошните активности за да се исполнат барањата кои се јасно поставени од Европскиот совет, Европската комисија и од Европскиот парламент“, порачуваат еврокомесарот и европратениците.