Железници на РСМ – Транспорт информира дека од понеделник, 6 април стапуваат на сила новите измени на возниот ред на патничките возови. Со измените останува укинат патничкиот железнички сообраќај на релацијата Скопје-Табановце-Скопје, а возовите Скопје-Кочани-Скопје ќе изостануваат меѓу станиците Велес и Кочани. Од понеделник повторно ќе сообраќаат возовите меѓу Скопје и Битола, но со изменет возен ред.
Меѓу Скопје и Битола од понеделник ќе сообраќаат возовите во 6:57 и 14:30 часот, додека од Битола кон Скопје ќе има возови во 5:45 и 12:51 часот. Од Скопје до Гевгелија ќе сообраќа воз во 6:23 часот, додека од Гевгелија за Скопје ќе има поаѓање во 16:55 часот. Возовите меѓу Скопје и Кичево ќе сообраќаат со вообичаените поаѓања планирани во возниот ред за 2020 година.
Меѓу Скопје и Велес ќе има поаѓања на возовите во 5:45 (привремено ново поаѓање), 6:23, 6:57, 9:15, 13:20, 14:30, 15:24, 16:55 и 19:15 часот. Од Велес за Скопје ќе се реализираат поаѓања на следниве возови: 5:45, 6:45, 8:16 (привремена измена на поаѓање), 12:10, 14:24, 15:24, 16:50 (привремено ново поаѓање), 18:40 часот.
За време на викенд, ќе сообраќаат единствено три воза во сабота, и тоа возот од Кичево за Скопје со поаѓање во 5:30 часот, возот од Битола за Скопје што поаѓа во 5:45 часот и возот од Велес за Скопје што поаѓа во 6:45 часот. Во недела патничките возови нема воопшто да сообраќаат, додека в понеделник наутро нема да поаѓаат возовите од Кичево за Скопје во 5:30 часот и од Битола за Скопје во 5:45 часот.
