fbpx

Ниту еден од поканетите лидери на албанските политички партии не дојде на средбата кај Ахмети

-

Поканата на претседателот на ДУИ, Али Ахмети, лидерите на албанските политички партии да ја одбележат со заедничка средба 19-годишнината од потпишувањето на Охридскиот рамковен договор, беше неуспешна, бидејќи не се појави ниту еден лидер на албанските партии што влегоа во новиот состав на парламентот. Али Ахмети со Теута Арифи и Артан Груби во хотелот „Парк“ во Скопје беа само со новинарите.

Ахмети рече дека е разочаран што неговите колеги не одговориле на неговата покана. Во изјава за медиумите рече дека на 19-годишнината од потпишувањето на Охридскиот рамковен договор сакал да им се заблагодари на партиите за досегашните заеднички достигнувања, но и да ги повика да преземат одговорност за како што рече, „сето тоа што е пред нас и за што се очекува решение од наша страна, од сите нас кои баравме поддршка од граѓаните“.

Кампањата за парламентарните избори ја одбележаа остри критики кон ДУИ и Ахмети од Алијанса за Албанците и Алтернатива.

На прашање дали ДУИ ќе оди во опозиција ако не добие премиер-Албанец, Ахмети рече дека не може да се суди однапред за резултатот на преговорите.

Инаку, претседателот на СДСМ, Зоран Заев, откако го доби мандатот за состав на нова влада од претседателот на државата, Стево Пендаровски, рече дека денеска повторно ќе се сретне со Ахмети. Нивните досегашни преговори беа без јасен резултат.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...