Поројниот дожд, проследен со град и грмежи кој синоќа ја погоди западниот дел на Србија предизвика штети на патната инфраструктура и на земјоделските насади.
Најпогодени територии од невремето биле општините Чачак, Горњи Милановац, Пожега, Косјериќ, Бајина Башта и делови од Лучане, а според податоците на метеоролозите наврнале и до 60 литри дожд на метар квадратен.
Како што јавуваат српските медиуми поради поројните дождови поплавени биле дел од улиците во општините и подрумите на повеќе станбени објекти.
Локалните власти соопштија дека невремето предизвикало големи штети, пред се на овошните насади, а регистирарни се и оштетувања на патната инфраструктура и на повеќе возила. Повеќе детали за предизвиканата штета се очекуваат во текот на денешниот ден.
