Израелскиот премиер Бењамин Нетанјаху изјави дека на состанокот со претседателот на Русија, Владимир Путин, договорил двете страна да воспостават механизам за координација за да се спречат недоразбирањата и ненамерните судири на израелската армија и на руските сили распоредени во Сирија.
– Тоа е многу важно за израелската безбедност и тоа е прв и јасен исход од овој разговор. Доволно е да ја замислите алтернатава – опасна конфронтација со Русија, за да се разбере важноста на оваа посета – рекол Нетанјаху.
Тој додал дека ја известил администрацијата на САД за деталите на посетата и за прашањата што ги дискутирал со Путин.
– На секој му е во интерес да спречи непотребен конфликт. Нашите врски со САД се од најголема важност, силни, цврсти и стабилни – изјавил Нетанјаху.
Средбата помеѓу Путин и Нетанјаху е прва од ноември 2013 година, а двајцата лидери во меѓувреме трипати разговарале телефонски.
САД предупредија дека трансферот на руско оружје, како авиони и проектили земја-воздух, на територијата на Сирија може да претставува закана за САД и за сојузничките сили кои се борат против Исламска држава.
