Не е точно дека ковид вакцината на Фајзер предизвикува машка неплодност

Ова, како што пишуваат проверувачите на факти на Фулфект, претставува привремено и временски ограничено намалување на параметрите, бидејќи истите параметри не биле пониски на статистички значаен начин во примероците земени после 5 месеци по вакцинацијата.

Не е јасно зошто се случило ова, иако студијата сугерира дека „системскиот имун одговор после вакцината на Фајзер, е разумна причина за опаѓањата на семена концентрација и сперматозоидите кои се активни“. Се додава дека други студии покажале дека болест којашто вклучува треска во своите симптоми, може моментално и временски ограничено да го афектира квалитетот на сперма и се вели дека „не директниот ефект од вакцината, туку системскиот имун одговор е поразумна причина и објаснување за временото опаѓање“.

Други студии не покажаа намалување на квалитетот на спермата после вакцинација со вакцината од Фајзер.

Важно е да се забележи дека станува збор за студија со само 37 учесници, што ја прави истата релативно мала. Помалку учесници, генерално значии  и дека откритијата се помалку сигурни и резултатите се поподложни на тоа да се погодени од рандом екстреми во која било насока. Во самата студија се кажува дека истата има неколку ограничувања, како на пример тоа што е фокусирана само на донори на сперма, а не на генералната популација.

Професорката по епидемиологија на Универзитетот во Бостон за јавно здравје, Амелија Веселинк за Ројтерс вели дека:

Нема докази коишто сугерираат дека вакцината против ковид-19 може да предизвика машка неплодност.

Таа е водечки автор на Националниот институт за студии на повеќе од 2 илјади двојки коишто се обидуваат да добијат дете без третман за плодност.  Студијата не пронашла никаква поврзаност меѓу вакцинацијата на кој било од двајцата родители и плодноста.

Професорот по урологија Ранјит Рамасами од Универзитетот во Мајами, исто така, тврди дека за ова нема докази и упатува на студија од 2021 година којашто е прегледана од медицинската заедница, а во која тој и други истражувачи евалуирале 45 мажи целосно вакцинирани со мРНК вакцина против ковид-19.

Не е забележан пад во ниту еден од параметрите на спермата, волуменот, концентрацијата или целосниот број на сперматозоиди, вели Рамасами.

Таа додава дека мРНК вакцините се безбедни за општата популација и ефективни во превенцијата на сериозни болести.

Додека нема докази оти вакцината против ковид-19 може негативно да влијае на машката плодност, во медицинскиот свет постојат информации и податоци дека инфекцијата со ковид-19 може да влијае на плодноста, барем краткорочно.

Некои студии покажуваат дека мажите инфицирани со Сарс Ков 2, имаат пад во параметрите на спермата, но со текот на времето параметрите се враќаат во нормала,  вели Рамасами.

На пример, студија објавена во Плодност и стерилитет, покажала намален број на сперматозоиди кај мажи што биле инфицирани со ковид-19 и се опоравиле месеци претходно. Авторите предупредуваат дека треба да се направат дополнителни истражувања за да се утврди дали кај помал број мажи може да има перманентна штета.

Центарот за контрола и превенција на болести на САД заедно со медицинските професионалци, препорачуваат вакцини против ковид-19 кај двојките што сакаат да имаат деца.

Студија од повеќе од 2 илјади жени на возраст од 21 до 45 години и нивните партнери пронајде дека вакцинацијата на кој било од партнерите не ја афектира шансата за успешно забременување.

Организацијата за машко репродуктивно здравје и урологија препорачува вакцинација за сите мажи кои посакуваат да станат татковци и ги исполнуваат критериумите за вакцинација.

Па, наспроти изнесеното во постот што го рецензираме, „Вистиномер“ не пронајде никакви докази дека самата компанија „Фајзер“ имала објавено извештаи кои наводно покажувале дека нивните вакцини против ковид-19 може да предизвикаат неплодност кај мажите и дека тоа било познато уште во фазата на проучување на лекот но дека Фајзер го премолчувале тоа“.

Поради сите горенаведени факти постот што го рецензираме го оценуваме како невистинит.