Најмалку 19 лица загинале во невремето со обилни снежни врнежи во САД. Снегот и ветрот парализирале најголем дел од источниот брег на земјата, во Вашингтон наврнале 61 сантиметар снег, а во Њујорк наврнале рекордни 68 сантиметри, така што патиштата, мостовите и тунелите биле затворени.
Најголем дел од починатите настрадале во сообраќајни несреќи, а некои од нив додека го расчистувале снегот и од хипотермија.
На брегот на Њу Џерси невремето предизвикало големи бранови, кои предизвикале поплави. Вонредна состојба е прогласена во Њујорк и во Вашингтон.
Снегот оставил без струја околу 150.000 потрошувачи и 90.000 домови во Северна Каролина. Летовите се откажани до понеделник.