fbpx

Раат од аерозагадувањето: следат денови со дожд, снег и студено време

Утре кон крајот на денот и во текот на ноќта врнежите ќе преминат во снег и во делови од скопската котлина

-

Македонските граѓани барем малку ќе можат да здивнат од енормното загадување на воздухот коешто го дишеа изминатиов период. Според временската прогноза на Управата за хидрометеоролошки работи (УХМР), денеска и утре времето во земјава ќе биде врнежливо и ќе дува најпрво југоисточен, а потоа и северен ветер.

Денеска низ целата земја ќе биде облачно со врнежи од дожд, кои ќе продолжат и во текот на утрешниот ден. Утре ќе настапи спуштање на постудена воздушна маса од север, која ќе доведе на планините и повисоките места во северните делови врнежите од дожд да преминат во снег. Утре кон крајот на денот и во текот на ноќта врнежите ќе преминат во снег и во делови од скопската котлина.

Веќе од вторник, 9 јануари, во земјава ќе преовладува сончево време со слаб до умерен северен ветер и многу пониски температури на воздухот. Утринските температури насекаде ќе се спуштат под нулата, додека максималните дневни температури нема да надминуваат 6 до 8 целзиусови степени ниту на југот од земјава. И во Скопје ќе следи период на поладно време, со максимални температури на воздухот од околу 0 Целзиусови степени.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Со хеликоптерска помош ренџери гасат пожар на Шара

На територијата на Национален Парк „Шар Планина" има активен пожар при што гори букова шума, ливади и меѓни стебла во приватни имоти, известуваат од Центарот за управување со кризи...