Тошо Филиповски, Томислав Кежаровски, Аделина Марку и Марјанчо Николовски се годинашните добитници на државната награда „Мито Хаџивасилев-Јасмин“, информираат од Министерството за култура.
Наградата за 2021 година за остварувања во областа на публицистиката ја добија Тошо Филиповски и Томислав Кежаровски, додека во областа на новинарството Аделина Марку и Марјанчо Николовски.
Наградата ќе им биде врачена на добитниците на 21 декември 2021 година (вторник), во 12 часот во свечената сала на Собранието на Република Северна Македонија, информираат од Министерството за култура.