fbpx

Надлежните се договорија, вработените во УЈП ќе добијат повисоки плати за 30 отсто

Директорката на УЈП рече дека договорот бил постигнат во петокот, а вработените, веќе со следната исплата ќе добијат покачување на платите

-

Постигнат е договор помеѓу Синдикатот на Управата за јавни приходи (УЈП) и институцијата, околу барањата на вработените да им се зголемат платите за 30 отсто и да се почитува општиот колективен договор. Ова денеска го соопшти директорката на УЈП, Сања Лукаревска во емисијата „Клик плус“ на ТВ21.

Таа рече дека договорот бил постигнат во петокот, а зголемени плати вработените ќе добијат веќе од следната исплатена плата.

„Во рокот кој беше согласно законот за мирно решавање на спорови, го потпишавме колективниот договор помеѓу работодавецот, односно УЈП и репрезентативниот синдикат на УЈП – „Солидарност“ и истиот го доставивме до Министерството за финансии за што добивме позитивно мислење“, истакна Лукаревска.

Таа рече дека протестите од два часа во текот на работниот ден на вработените во УЈП и најавата за генерален штрајк повеќе не се опасност за работењето на институцијата и дека барањето за остварување на правото на вработените „го виде своето светло за денот“.

„Јас можам да кажам дека ние долго време немаме никакво поместување во она што значи плати на вработените во УЈП и сметам дека овој процес навистина го водевме доста сензитивно, не сакајќи да направиме какви било дисторзии во општественото функционирање“, рече Лукаревска.

Минатиот месец синдикалната организација на УЈП најави генерален штрајк доколку вработените во Управата не го добијат бараното покачување на платите од 30 отсто. Тие се заканија со блокирање на сите исплати во државата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Американскиот новинар Еван Гершковиќ осуден на 16 години затвор во Русија

Новинарот на американскиот „Волстрит журнал“ Еван Гершковиќ денеска во Русија беше осуден на 16 години затвор за шпионажа кое се верува дека е политички мотивирано. Руското обвинителство побара тој...