Пет лица се уапсени во Молдавија поради сомнеж дека се припадници на парамилитарна група која планирала вооружени напади на државни институции, соопшти денеска полицијата.
Во полициската акција се пребарани куќи и автомобили на 11 луѓе во главниот град Кишњев и на северот на земјата.
Пет лица се приведени, вклучувајќи и еден Украинец од источната област Донецк, за кој се смета дека е водач на групата.
Во соопштението на полицијата се наведува дека осомничените имаат кривични досиеја, но не се објавени нивните идентитети ниту, пак, се наведени целите на планираните напади.