Руски „Газпром“ утринава ја сопре испораката на гас за Украина до добивањето на новиот аванс, изјави директорот на компанијата, Алексеј Милер.
– Денеска, во 10 часот наутро (седум часот според Гринич), „Нафтогаз Украина“ го искористи тоа што претходно го плати. Новиот аванс не стигна – изјави Милер.
Тој рече дека „Нафтогаз Украина“ не најавил нова исплата.
– Испораката на гас сопира до доаѓањето на исплатата на новиот аванс – рече Милер.
„Газпром“ претходно од „Нафтогаз Украина“ доби 454 милиони долари во рамки на „зимскиот пакет“ и испорача две милијарди кубни метри гас.
