Министерството за здравство ќе набави 22 нови амбулантни возила, информираат денеска оттаму. Надлежните велат дека утврдиле потреба за набавка на нови амбулантни возила за јавните здравствени установи во државата.
„Најголем број од возилата кои се на располаѓање на установите се застарени, дотраени, со помината поголема километража од техничкиот максимум и амортизирани. Министерството изготви и до Владата достави информација за давање согласност за преземање на обврски за чие плаќање е потребно користење на буџетски средства во наредни години на Министерството за здравство за набавка на 22 амбулантни возила. Овие возила ќе имаат надоградена медицинска опрема“, иинформираат од Министерството за здравство.
Постапката за јавна набавка на 22 амбулантни возила со надоградена медицинска опрема е објавена на Електронскиот систем за јавни набавки на 05.12.2023 година, со оглас број 21959/2023. Во моментот постапката е во фаза на доставување на понуди на економските оператори, а рокот за доставување истекува на 5 јануари следната година.
