Германската канцеларка Ангела Меркел изјави дека бегалците се пробен текст за Европска унија и истакна дека Европа, која се соочува со најголемиот прилив на бегалци од Втората светска војна, мора заеднички да ги штити своите надворешни граници.
Меркел се заложила луѓето што доаѓаат во земјата само од економски причини да ја напуштат, а кога станува збор за бегалците, тогаш подобро е Европа заеднички да се ангажира.
Канцеларката истакна дека очекува согласност од Европскиот парламент по прашањата за бегалците и додала дека е потребно дефинирање на имиграцијата во Европа.
Таа нагласи дека е нужно да се преземе поголема одговорност за оние земји каде што бегалците најмногу се задржуваат, како Либан, Јордан и Турција.
– Ние мораме да им обезбедиме на тие што имаат потреба од заштита, да ја добијат. Тоа Европа го може само со заеднички сили – изјави Меркел.
