Просечната цена на еден квадратен метар станбена површина во 2015 изнесуваше 46.085 денари, што е за 0,9 отсто помалку во однос на претходната година, покажуваат податоците на Државниот завод за статистика.
Во Скопје, просечната цена на еден квадратен метар изнесуваше 52.916 денари што е за 1,8 отсто помалку во споредба со 2014 година.
Во другите населени места во земјава таа изнесуваше 33.243 денари, што е за 0,8 отсто помалку во споредба со 2014 година.
Што се однесува до просечната цена на еден квадратен метар во второто полугодие од 2015 година, таа е намалена за 2,7 проценти во однос на првото полугодие, а во Скопје намалувањето изнесува 1,5 отсто.
Наведените просечни цени на еден квадратен метар станбена површина се без данок на додадена вредност.
