Хуманитарната организација „Лекари без граници“ се повлече од болницата во авганистанскиот град Кундуз, по воздушните напади на американската авијација во која загинаа повеќе доктори и пациенти.
Директорката на прес-службата, Кејт Стегман, рекла дека некои членови на нивната организација се префлиле да работат во други здравствени установи во истиот град, каде и понатаму се водат борби.
Од „Лекари без граници“ ги обвинија САД и нивните воздушни напади за 19 загинати и за 37 повредени лица при вчерашното бомбардирање на болницата.
Од хуманитарната организација демантираа дека талибански борци од нивниот објект се бореле против авганистанските борци и силите на НАТО.
Талибанците го зазедоа Кундуз минатиот понеделник, но во меѓувреме се повлекоа од поглемиот дел на градот поради контранападите што ги спроведе официјален Кабул.
