Извршниот одбор на УНЕСКО гласаше позитивно за Косово да стане полноправна членка на организацијата и покрај силното противење од страна на Србија.
Македонија и Црна Гора се меѓу 27 држави што гласаа позитивно за овој предлог.
Воздржани по ова прашање биле 14 држави.
За предлогот на извршниот совет на УНЕСКО ќе се одлучува на Генералната конференција на УНЕСКО, која ќе се одржи од 3 до 18 ноември.
Српскиот министар за надворешни работи, Ивица Дачиќ, на вонредна прес-конференција попладнево, изјави дека резултатот од гласањето во УНЕСКО во Париз е подобар отколку што очекувале.
