Комесаријатот за бегалци и за миграција од Србија соопшти дека ниту еден мигрант во Прифатниот центар во Прешево не останал без храна, откако претставникот на Црвен крст, Ахмет Халими, изјави дека на мигрантите не им се дели храна, туку само топли чаеви и супа.
Оттаму, исто така, наведуваат дека во Прешево постојано се присутни претставници на меѓународната заедница и дека секојдневно можат да се уверат дека храна за мигрантите има колку што е потребно.
Во прифатниот центар во Прешево досега поминале 700.000 мигранти, а во моментов во него престојуваат помеѓу 700 и 1.000 мигранти од Блискиот Исток.
