Кинески компании и американскиот произведувач на авиони „Боинг“ склучиле договор за купување 300 авиони и за изградба на фабрика за склопување авиони во Кина, јави денеска кинеската новинска агенција „Ксинхуа“.
Договорот за купување авиони е потпишан откако кинескиот претседател Кси Ѓинпинг допатува во прва официјална посета на САД.
Во извештајот на агенцијата не се наведува ниту вредноста, ниту на моделот на авион кој е предмет на договорот што го потпишаа „Чајна авиејшен саплајс холдинг“, „Ај-Си-Би-Си фајненшел лизинг“ и „Чајна девејлопмент бенк лизинг“.
Државната компанија „Комерпл аркрафт корпорејшн оф Чајна“ со „Боинг“ склучи договор за изградба на центар за склопување авиони „Боинг 737“ во Кина.