Еврокомесарот за проширување и за соседска политика, Јоханес Хан, се очекува да ја посети Македонија во средината на февруари, но од неговиот кабинет сè уште не го соопштуваат официјалниот датум.
Тој денеска е во Аман, Јордан, каде што ќе се сретне со премиерот Абдула Енсур, со кој ќе разговара за потребата за продлабочување на соработката во справувањето со заедничките предизвици, особено со бегалската криза.
On my way to #Amman where I will meet King #Abdullah, PM #Ensour, FM #Judeh and Minister f. International Cooperation, #Fakhoury. 1/2
— Johannes Hahn (@JHahnEU) January 27, 2016
Според агендата на Хан, тој утре ќе престојува на мисија во Либан.
Средби на работните групи не се очекуваат до вторник затоа што посредникот во преговорите, Питер Ванхауте, од денеска е на консултации во Брисел.
Европратениците Едвард Кукан, Иво Вајгл и Ричард Ховит, кои посредуваа во решавање на политичката криза, во наредните денови, во Брисел ќе ја разгледуваат политичката ситуација во Македонија. На средбата е можно да присуствува и еврокомесарот Хан, но засега нема официјална потврда за тоа.
За средбата на европратениците нема официјален датум, но се очекува таа да биде пред доаѓањето на Хан во Македонија.
Едвард Кукан вчера беше во Уганда, каде треба да се одржат избори на 18 февруари.
Constitutive meeting of the #EP Delegation to #Uganda for elections @EduardKukan @davidmcallister @eueomuganda pic.twitter.com/00RYVfXKaa
— Mariya Gabriel (@GabrielMariya) January 27, 2016
На Ричард Ховит последната активност му била во Европскиот парламент, каде, според неговиот твитер-профил, вчера оддал почит за Денот на сеќавање на холокаустот. Тој денеска се сретна со Хусам Зомлот, директор на Комисијата за меѓународни односи на Палестина.
Последната забележана активност на Иво Вајгл била на 25 јануари, кога во парламентот говорел за извозот на живи животни надвор од ЕУ.
