Најмалку 12 бегалци, меѓу кои осум деца, загинаа денеска откако нивниот чамец се превртел кај источниот грчки остров Самос, соопшти крајбрежната стража.
Грчката крајбрежна стража и чамци на Фронтекс покренаа потрага, но засега не е познато колку лица биле во чамецот.
Светските агенции пренесуваат дека 10 лица се спасени, а се претпоставува дека околу 20 исчезнале.
Ова е втора бегалска трагедија во Егејот во последните 24 часа. Грчките спасувачи вчера пронашле тела на седум бегалци, меѓу кои и две деца, откако чамецот во кој се наоѓале се превртел кај островот Кос.
