Бегалската криза во Европа ќе трае со години, оцени претседателот на Европската комисија, Жан-Клод Јункер, порачувајќи дека не треба да се имаат илузии во врска со ова прашање.
Јункер напомена дека само во Африка има 8,5 милиони бегалци кои би можеле да посакаат да дојдат во Европа. Осврнувајќи се на Унгарија, која на својата границца подигна ѕид за да ги запре мигрантите, Јункер рече дека на Европа не ѝ требаат нови ѕидови.
Претседателот на Европската комисија се зазема за подобри односи со Русија, нагласувајќи дека некои од работи од однесувањето на Москва „не поминуваат“, како што е случајот со Крим.
