Врховниот суд на Индија соопшти дека „фундаменталното право на муслиманите да го практикуваат исламот“ не подразбира и право на полигамија.
„Тоа што е заштитено со членот 25 (од Уставот) е верата, а не практиката која противречи на јавниот ред, здравјето или моралот. Полигамијата не е интегрален дел од религијата и моногамијата е реформа која е во рамките на државните овластувања во согласност со членот 24“, рекоа во образложението судиите Т.С. Такур и А.К. Гоел.
Врховниот суд ја донесе одлуката откако владата му даде отказ на јавен службеник поради недолична постапка и одлука да земе втора жена без да го прекине првиот брак.
Супервизорот за наводнување, Куршид Ахмад Кан, за време на постапката, се обиде да го оспори отказот од службата, но неговото барање, со исто или слично објаснување, е отфрлено од сите судски инстанци.