Сервисот за бекап, синхронизација и за споделување мултимедијални податоци меѓу повеќе уреди, „Одиси“, го смени сопственикот. Новиот сопственик е „Гугл“, кој планира да го имплементира во својата социјална мрежа „Гугл+“.
На интернет-страницата на „Одиси“ веќе е објавена порака која им објаснува на постојните корисници дека „одиси платформ тим“ наскоро ќе стане дел од „Гугл+ тим“. Исто така, им се заблагодаруваат на досегашните корисници за соработката и воедно ги известуваат дека сервисот за досегашните корисници ќе биде целосно оперативен до 23 февруари. По овој датум, сите видеозаписи и фотографии ќе бидат достапни само за презимање во вид на архива.
Истовремено, откако купопродажбата е реализирана, апликациите на „андроид“ и за оперативниот систем на „Епл“ станаа недостапни во интернет-продавниците на „Гугл“ и на „Епл“. Регистрацијата на нови корисници, исто така, е оневозможена.
Засега не е познат износот што „Гугл“ морал да го плати за оваа акцизиција, но имајќи предвид дека живееме во дигитална ера, истиот наскоро ќе биде познат.
