Компанијата „Х.Ј. Хајнз“ ја купува „Крафт фудс груп“, со што ќе биде создаден третиот најголем производител на храна и на пијалаци во Северна Америка, пренесува „Денар“.
Договорот беше организиран од сопственикот на „Хајнз“, бразилската инвестициска компанија „3 Џи капитал“ и „Беркшир Хатавеј“ на инвеститорот Ворен Бафет.
Акционерите на „Крафт“ ќе добијат акции во новата компанија и специјална исплата од околу 10 милијарди долари, односно 16,50 долари за една акција. Сегашните акционери на „Хајнз“ ќе добијат 51 процент од новата компанија, а остантите 49 проценти ќе бидат на акционерите на „Крафт“.
Во новата компанија ќе бидат марките „Крафт“, „Хајнз“, „Оскар Мејер“ и др.
Управните одбори на двете компании го одобрија договорот, кој би требало да биде завршен во втората половина од годината, иако сè уште е потребно одобрение и од акционерите на „Крафт“.
