Дваесет и пет цивили загинаа, а 40 се повредени за време на саудиските воздушни напади извршени во станбен дел од јеменскиот главен град Сана, соопшти претставник на Министерството за здравство на Јемен.
Официјален Ријад не ја исклучува можноста за копнена офанзива против шиитските бунтовници Хути во Јемен, оценувајќи дека таа би можела да биде неопходна за обнова на редот и на мирот во Јемен.
Во меѓувреме, Иран ги осуди саудиските воени операции во Јемен, карактеризирајќи ги како „агресија поддржана од САД“.
Властите во Техеран ги отфрлија тврдењата на јеменските власти дека Иран ги финансира и обучува шиитските бунтовници Хути.