Нови 1.662 мигранти стигнале на грчките острови во неделата, откако на сила стапи спогодбата меѓу Европската Унија и Турција со која би требало да се прекине мигрантскиот бран од Турција, соопшти денеска грчката канцеларија за миграциска политика.
Новата група мигранти пристигнале на Чиос и на Лезбос, острови во близина на турскиот брег во североисточниот дел на Егејско Море.
Земјите членки на ЕУ се согласија дека на краток рок мора да ѝ помогнат на Грција со праќање луѓе и опрема.
Досега не е стигнато никакво засилување, како што беше ветено од ЕУ, соопштија од канцеларијата за миграциска политика.
